سلطة غزاوية

طريقة عمل الدقة الغزاوية المشهورة ..
الدَقة << بفتح الدال .. ومشتقة من دق يدق دقاً .. دوق دوق دوق

أو بمعنى آخر ..

السلطة الغزاوية





قبل كل اشي بدك زبدية
أكيد ما في بيت فلسطين بيخلى من الزبدية الفخار..

واللي في غزة أكيد كل بيت فيه أقل شي زبديتين تلاتة .. وكمان مطلوب مدقة خشب..
مدقة حديدة ما بتنفع
مدقة عضم ما بتنفع
مدقة بلاستيك ما بتنفع

مكونات الدقة..


أول وأهم عنصر من مكونات الدقة هوة الفلفل..
احنا بنحبها عبارة عن فلفل بطعم السلطة
بنحطش أقل من 10 قرون فلفل ..
طبعاً الفلفل على حسب الرغبة .. مش شرط يعني عشر قرون فلفل.. بس أكيد من دون فلفل ما بتزبط ..
وأكيد من مكونات الدقة البندورة ..
بكفي 3 حبات على الـ 10 قرون الفلفل .. أو برضو على حسب الرغبة
بصلة صغيرة أو نص بصلة وسط أو ربع بصلة كبيرة
معلقة عين جرادة .. معلقة ملح..زيت زتون..
زتون حب .. حسب الرغبة..
طريقة التحضير


يقطع الفلفل في الزبدية قطعاً صغيرة بس مش كتير بالسكينة طبعاً..
وبعدين بنحط معلقة الملح .. وبعدين معلقة عين جرادةوبنقطع البصلة إرباً إرباً ..
وبنمسك المدقة وبنبدا ندق ..
هلقيت بنقطع البندورة فوق الفلفل ..

وبنكمل مسيرة الدق ..
وبنحط زيت الزتون ...
وبتتاكل بالخبز طبعاً مش بالمعلقة وولا بالشوكة والسكينة كمان
مع شوية زتون ..
..