كان يا ما كان ملك وكان عندو تلات بنات،، ترك بناتو التلاتة من شان ايروح برحلة لعند احد اصحابو الملوك وهو يعرف انو بنتو الصغيرة *بيلا* رح تقوم بعمل الواجب لانها كتير حبابة وشغيلة.
وهوي بالطريق بلشت الدنية تمطر والهوا تعصف ،قرر يعمل استراحة صغيرة لبين ما تهدى الاحوال ،لمن هديت الاحوال وكان بدو يكمل طريقو ما عاد شاف حصانو لانو هرب واخد معه كل شي،، بلش ملكنا هاد يمشي ويمشي ،تعب كتير وجاع وعطش بس فجأة شاف قدام منو قصر كبير كتير ،يلش يفرك عيونو وما عم بيصدق الي عم بيشوفو
دخل على القصر ،اي شو هالحدائق وشو هالورود وريحة الاكل طالعة للسما، دخل للقصر وشاف طاولة محضرة من كل شي بتشتهيه النفس ،من كترة جوعو بلش ياكل وياكل ويشرب الى ما انتفخ،،فجأة سمع صوت مرعب من وراه عم يصرخ فيو *ولك انت كيف تدخل لقصري وتاكل اكلي وتشرب خمرتي من غير اذن * برم الملك وجو وشاف شوف شاف وحش اي ولا ابشع من هيك ،انهبط ورجع لورا ،بلش يعتذر*لا تواخذني يا حضرة، انا كنت كتير جوعان وتعبان ولاني ما شفت حدا فكرت انو القصر خالي* الوحش قالو* بدك تبقى حياتك كلها بهالقصر تخدمني وترعاني* الملك *لا ما فيني ،انا ملك ولازم ارجع واشوف شغل بلادي وبناتي* الوحش رجع عليو *طيب روح انت على بلدك بس بدك تبعتلي بنتك من شان تخدمني* الملك فكر *طيب متل ما تريد* بس هوي عم بيقول لحالو *ياريني كنت مت وما شفت وجك البشعة بحياتي *
رجع عالبيت وحكى لبناتو القصة ،البنتين الكبار ما بدني حياتن كلها يخدمو وحش بشع لانون بنات ملك، منشان هيك قالت بيلا * طيب تاروح انا واخدمو لا يكلنك فكر* الملك كتير اتضايق لانو بيلا كانت احب بناتو على قلبو
راحت هال بيلا لعند الوحش واول ما شافتو خافت كتير هوي حس بهالشي وبرم وجو وبلش يمشي ،هي وجعها قلبو عليو واعتذرت منو ،بلشت بيلا تعيش مع الوحش تخدمو وتحكيو وتعملو طلباتو ومع الايام بلشت تحس بانو كتير حباب وما ممكن ياذي حدا ،فاتت شهور وهن على هالحال لبين ما اجى الوحش وبايدو مري قال لبيلا* ابوك مرضان كتير وبدو يشوفكي* بلشت تبكي قالها* روحي لعندو بس اوعديني بدكي تجي لعندي كمان مرة
راحت بيلا لبيت ابوها ولمن شافها بلش يبكي من فرحتو ويوم بعدو يوم بلش يرتاح وتتحسن صحتو،بيلا اخدت المري من شان تشوف ايش يعمل الوحش بس الي شافتو قهرا كتير شافت انو الوحش كتير كتير عم يتعذب ويتوجع ،قررت ان تروح لعندو بس الملك ما عجبتو الفكرة من شان هيك قالتلو* بابا خليني اروح لعندو عم يتعذب وانا بحبو كتير*
لمن اجت عالقصر وشافها الوحش نزلت دمعة من عينو وقالها* ليش اجيتي انا ما اتصورتو اشوفك مرة تانية* راحت لعندو واخدت ايدو *انا بحبك يا وحشي وما رح اتخلى ابدا عنك* لساتها ما مكملي كلامها حتى تحول وحشها البشع لملك جميل اتعجبت وخافت، مسك ايدها وقالها* لا تخافي يا بيلا الحلوة انت خلصتيني من سحر صارلو سنين والي يخلصني هو حب بنت حلوة وطيبة وانا تاكون عبدك الى اليوم الاخير بحياتي*
وهيك عاشو مع بعض الى الاخر مبسوطين ومتحابين،وتوتة وتوتة خلصت الحدوتة
